اسـتـراحـة المـلاحيس

مـنـتـدى ـآستـراحـة المـلاحـيس
 
الرئيسيةاليوميةس .و .جبحـثالتسجيلدخول

شاطر | 
 

 بــغـــت تجــلدني حرمه اليوم ..

اذهب الى الأسفل 
كاتب الموضوعرسالة
طـيـحـنـي .!!
ملحوس نشيط جدا
ملحوس نشيط جدا
avatar

عدد المساهمات : 36
تاريخ التسجيل : 09/05/2009
الموقع : بمسبح الاستراحه

مُساهمةموضوع: بــغـــت تجــلدني حرمه اليوم ..   الإثنين يونيو 15, 2009 3:15 am



السلام عليكم ورحمة الله ..
اي والله صدق الخبر :9: .. خويكم طيحني بغى يروح فيها ..بس ربي ستر ..
:10: نفسيتي زفت الحين :9: ..
ابي افض فض لكم .. ودي احط راسي على صدر البطي وابكي .. ابكي ابكي :4:
انا اكتب لكم وصاك على نفسي الغرفه وجالس بالزاويه على سريري
وضام المخده وكل ما اتخيل :10: شكل الحرمه :14:
اقوم ارجف ارجف الين حسيت بـ فراشي صار رطب وحار :10: :9:
مدري وش سويت على نفسي من كثر الخوف :5:


:4:

السالفه ياحلوين :1: .. >>
لحظه ابي اتنهد تعرفون مقدر اتذكر بسهوله الموقف اللي صار لي :5: ..


اليوم ونا بالعمل كنت ماسك شغلي وش حليلي :4:
ماغير اطامر مع كل مريض اروح واخدم له هيه

.. كني قهوجي يمني بعرس فدعاني :7: ..



طبعا انتم عارفين مكان مكتبنا قزاز بالواجهه ..
على حرف تي يعني اول ماتدخل المستشفى
تمشي سيدا ولا وصلت لمكتبنا يصير فيه ممرين يمين ويسار ..

وعلي اليسار بالممر فيه الله يكرمكم 77 حمام رجال بعدين يجي حمام نساء :7: ..



وجات الساعه 11 وقربت ساعة الشؤم ..
جاني زميلي الشايب
قال لي ياطيحني انا بطلع بس
امسك مكاني الين بعد البريك بيجي زميلنا
وبيستلم الشغل وانت ترجع لمكانك ..
بس لايدري مديرنا اني منحاش .. :6:
ونا اطق له صدري ابد رح ..
خذ ولد ولايهمك المدير ماراح يدري .. سمله
طبعا باقي ساعه على البريك بريكنا من 12 الين الساعه وحده ..


جلست مكانه :8: ..
الله يازين الكرسي طعجته لى ورا وناديت الهندي يجيب لي شاي :8: ..
ابي امخمخ على اللي رايحات :1: واللي جايات :1: :12: واتفرج على العالم .. :3:
ونا جالس ومفهي مع خلق الله ومنصمخ :13: من ريحة العجايز المعفنه :13: ..


شوي الا اشوف اللي علي اقبل ..
من الفرحه بغيت اومي له بشماغي بس مسكت حالي :4:
.. عجوز ومعاها بنت فرفوره من اللي موديلاتهن جديده امهات قوام مشقوق ..
وقفن عندي ونا مستحي منزل راسي امممم تحت واسمع العجيز
تقول ياحليله >> وش عندها احلام تبي تغني فوق راسي .. :2:
المهم عطيتها الاوراق وابلكيشن تعبيه
وقلت لها امشي سيدا اول باب على يسارك
حطي اوراقك عندهم يصورونها وبعد ماتخلصين ارجعي لي ..

انا يا اخواني يامعشر الملاحيس الكرام :1:
كنت اقصد انها تدوير وتمشي سيده ..
الخبله ماراحت سيده راحت يسار انا توقعتها
تبي تعبي الابلكيشن وبعدين بتديور .. :10:

شوي الا اسمع صياح حرمه :10: .. مثل صوتها المعفن .. ضحك
شوي الا اشوفها قدامي ومشمره عن يدينها
ورابطه عبايتها على خصرها ولافه غطوتها على شعرها
وتقول لي اطلع اذا كنت رجال اطلع خلني اعلمك الادب .. :14:
وهي تقول لي سنونها طالعه وتحك ببعض ويطلع شرار منها
اطلع وخلني اشنقك بالسقف بسروالك :9:
ياقليل الحيا انا انا .. تدخلني بحمام ..
ليه وش شايفني يبن طوط طوط طوط ..
طلعت الخبله داخله الحمام اللي على يسارنا
لانها لفت على يسارها يصير سيدا من جهتها ودخلت الباب اللي على يسارها .. فهمتو علي :3: ..
ونا كنت اقصد بـ سيدا انها ترجع ورا وتدخل يسار .. بأول باب ..
(المشكله ياجماعه ليتها داخله حمام حريم لا دخلت حمام رجال بعد) :7:



طيب انا وش ذنبي .. اذا هي مفهيه .. وفهمت وصفي غلط ..

ايعني معروف ان الحمامات الله يكرمكم مكتوب عليه حماااام :10:
يعني اذا هي ماتعرف تقرى معاها بنتها ماتعرف تقرى لها .. :6:

اطبعا مستشفانا يحبون القيل والقال :5: .. تجمهرت عندنا خلق الله :4: ..
المرضى على الموظفين والموظفات :4:
وطالبات كلية الاسنان يصورن :1: :1: :1:
..ووحده تصور وتسولف تشرح اللي صاير >>مسويه ابو جوهر :1: على غفله ..
او كل العالم تطالعني من ورا القزاز بنظرات استحقار .. :5:
وما اسمع الا صوتها يلع لع من ورا القزاز وكل ماقالت شي ردد وراها الجمهور ..
اللي يقول قليل حيا .. اللي مايستحي ..واللي تقول انا شفته يوم يتحرش فيها .. :13: :7:
والي يقول لي اطلع اذا كنت رجال :2:
ونا ماغير الوج بالمكتب وافرك يديني من القهر والقمطه مدري شسوي ..
:15: ونا مو يم احد مرتبك ومعرق وركبي تتصافق :9:
اروح الحين اغتصبها ولا اروح اشيلها بفاين واطلعها برا ..
ا




وشوي ويطلع مديرنا :1: من مكتبه وينافخ على الناس
بصوت عالي وفرق المتجمهرين ودخل عندي واول مافتح الباب
الا العجوز قامت تتفلت من الحريم اللي ماسكاتها عني .. وهي تفلت منهن وتنط على بنتها وتلقط عصاتها من بنتها بحركه خطافيه سريعه وهي تلقط عصاتها وترميها علي :7: .. عصاتها للحين بالمكتب :9:
بس اشوى ماصكتني بالعصا :8: ضربت برجلي بس :12: ..
:9: دخل المدير وفهمته السالفه ..
بعدين طلع كلم العجوز سمله .. وبالملعنه راحت بعد ما اخذ اوراقها :3:
رجع يمي وقال لي طس لبيت اهلك :7: .. ومدري وش صار بعدها ..



فـ اللي ابيه منكم بكرى خلو جوالاتكم مفتوحه :7:
اذا صار شي :10: ولا جا ولدها يبي يطقني .. :10: :9:
ابيكم تجون تفزعون :8: لي ابي المستشفى يمتلي كله دداسن وعجرات .. :1:



أبي اثنين يندسون بالعيادات
واثنين يندسون بمكتب المدير
واثنين يراقبون الشارع اذا صار شي يبطون ويدافعون عني امممم







طبعا مابي اقول لكم اني نكبت خويي امممم ودرى المدير عنه انه منحاش :9:

تكفون لاتخلوني :9:


لقلوبكم الطاهره .. :11:

لعجراتكم :1: :1: :1:

الفقيــــد // طيحني :9:
ومظه .. تعددت الاسباب والموت واحدون :8:
الرجوع الى أعلى الصفحة اذهب الى الأسفل
النعامه
ملحوس فريد من نوعه
ملحوس فريد من نوعه
avatar

عدد المساهمات : 100
تاريخ التسجيل : 08/05/2009
العمر : 33
الموقع : هناك

مُساهمةموضوع: رد: بــغـــت تجــلدني حرمه اليوم ..   الإثنين يونيو 15, 2009 9:03 am


خخخخخخخخخ


صراحه هي اللي قليلة ادب ولا تستحي ولا انت ماقصرت دليتها على الطريق بس الفهاوه لها دور





وانت ماعليك من هالاشكال تبقى شامخ ورايتك مرفوعه بالطيب والعلوم الزينه والشهمه



ودليل انك كفو يوم انك تتزهل لخويك وتخليه يروح محد يسويها الحين الا اللي نيتهم صافيهم وقلبهم طيب



ونعم الرجال ياخالي



ينرفع فيك الراس يابعدي


ولا تحطمك حرمه وتكره نفسك وتبتسي وتتنهد انت اكبر من هيك وياعيب الشوم عليك



ومايحتاج فزعه طال عمرك كلمتين من قلبك الطيب تقدرونك الناس وتنحل المشاكل لبى قلبك



ماقول الا ياخالي خذ لك بساط وافرشه على سطح القمر وخل الحثاله لو فيها خير ترقا :1:
الرجوع الى أعلى الصفحة اذهب الى الأسفل




تاريخ التسجيل : 01/01/1970

مُساهمةموضوع: رد: بــغـــت تجــلدني حرمه اليوم ..   الإثنين يونيو 15, 2009 11:50 am

تستاهل
غلطان وستين غلطان بعد :7:
خل الشاهي وقز البنات ينفعونك
بس الله يعينك
الرجوع الى أعلى الصفحة اذهب الى الأسفل
الشيعي
ملحوس نشيط جدا
ملحوس نشيط جدا
avatar

عدد المساهمات : 35
تاريخ التسجيل : 11/05/2009

مُساهمةموضوع: لاحوووول وش هالمصيبه اللي جرت عليك ياطيحني   الإثنين يونيو 15, 2009 9:26 pm

الـصراحـه هي الغبيه ماتفهم يعني بالعقل باب الحمامات معرف من الف باب ودليل انك مفهي ماتعرف تقول سيده بعديــــن يسار لهادرجه الشاهي والقز يسوون فيك كذا تخيل لو العجوز المسكينه لما فتحت الباب شافت شي مو زين كان داخله عليك من الشباك بس هي وبنتها طعوس على طول درعمو مسوين مشتطين ياطيحني انت كفيت ووفيت ومامنك قصور لاكن العجيز هي مشتهيه تاخذ نظره من ورى هالباب . . .

ابشر من بكره اول واحد محظر عندك هو وعجرته>>> :17: انتظرني

اتوقع هذا انت بعد ماطرحكم المدير مبدلين اماكنكم >> :14:

بكره ااذا جتك عجوز غيرها وتبيك توصفلها قل يسار فيه حمام لاتروحين يسار سيده بعدين وثم يسار ,وريح مخك ..
بكره انا نايم لاتدق علي :15:
الرجوع الى أعلى الصفحة اذهب الى الأسفل
سكروب مطعوج
ملحوس نشيط جدا
ملحوس نشيط جدا
avatar

عدد المساهمات : 42
تاريخ التسجيل : 09/05/2009
العمر : 32

مُساهمةموضوع: رد: بــغـــت تجــلدني حرمه اليوم ..   الإثنين يونيو 15, 2009 9:34 pm

خخخخخخخخخخخخخخخخخخخخخخخخخ

اخي طيحني انا اتفق تماااااما مع النعاااامه بكل كلمه قالها برده لموضوعك , وانت ما اخطئت ابدا والخطاء عليها وعلى بنتها المفهيه .

اذا هي ما تعرف اليسار من اليمين هذا مو ذنبك , انت تبقى طيحني الي نفخر بصداقته , بس ابي اطلب منك طلب انك تسامح العجوز وما تدعي عليها لانها ظلمتك ولك الاجر .
وان شاء الله ترجع معنوياتك وتنسى الي صار وترجع تخدم المرضى كعادتك ,,,,,,,

ابي منك انك توفينا وش الي صار في اليوم التالي ,,


وترى من الحين اقولك ترى بطارية جوالي خربانه كل نص ساعه يبيلها شحن امممم >>> اقرب مخرج :7:

_______________________________________

وزير الداخلية / سكروب مطعوج
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: بــغـــت تجــلدني حرمه اليوم ..   الإثنين يونيو 15, 2009 10:32 pm

ياعيب الشوم ع الرجال مضيق صدرك وحابس روحك بالغرفه عشان عجوز افا ياطيحني

بالعكس انت سويت اللي عليك وبعدين حتى لو العجوز ماتعرف تقرى يعني ترى العلم تطور اللحين
وحطوا على باب حمام الرجال صوره واحد لابس شماغ وحمام الحريم وحده لابسه قشوه << يعني نقاب

والناس اللي تجمعهروا ذولي ياويلهم من الله انشالله يدخلون النار لانهم ظلموك ياغناتي

والبنات اللي تقول انهن يصورن ياجعل يطلع برجس من السجن ويصورهن ويفضحهن عشان مايقومن يصورن

انسان بريْ وحبوب ومسلم وعاقل ويصلي كل يوم لكن ماقول الا حسبي الله ع العجيز وبنتها الشريرات

وماعاش والله من يفكر يزعلك ... ماجابته للحين ياطيحني امـــــــــــه



لكن بنهاية ردي لك بقولك لاتنسى تغسل فراشك اللي جالس عليه وانت تكتب الموضوع

لاني كني قريت انك حسيت بشي حار ورطب << يمكن شاهي والا كابتشينو << لاتفهموني غلط يالملاحيس

ولا يهمك ياطيحني قلي اذا صار شي عليك بالمستشفى ترى جوالي فاتح لك ياقلبي

اذا مافزعت لطيحني افزع لمنو يعني << ياخي كرهت العجايز لانهن تسببن لك بمصيبه

لكن زي ماقلت لك انت رجال كفيت ووفيت لكن شكلها هي وبنتها مدمنات حمامات عشان كذا على طول راحن للحمام



وماطول لان الملاحيس اللي قبلي قالوا اللي عندهم ومااضيف على كلامهم شي


تحياتي ايها الشهم والفارس المغوار و البطل الكبير و الزعيم الشرير نعم انت رجل بمعنى الكلمه ولا يهمك العذال
الرجوع الى أعلى الصفحة اذهب الى الأسفل
مبيد الحشرات
ملحوس فريد من نوعه
ملحوس فريد من نوعه
avatar

عدد المساهمات : 66
تاريخ التسجيل : 09/05/2009
الموقع : بغرفه بابــــو تهى تهى

مُساهمةموضوع: رد: بــغـــت تجــلدني حرمه اليوم ..   الثلاثاء يونيو 16, 2009 2:39 am

طيحني انت لست بمسئول على الاحداث اللي ذكرتهاا في مووضوعك


لقد قمت بعملك وعلى اتم وجه ... ولكن بعض الناس عندها تظهر لهم حسسن نواياك يقلبون الامر عليك ويظهرون على حقيقتهم ....


طيحني وسسع صدرك يابطل .. انت انسسان الكل يشهد لكل بالااخلاق الحميده والرجوله العاليه ...


فلا تفكر في هذي العجوز الشمطااء وبنتهاا اللي مع الخيل ياشقرااء ..
الرجوع الى أعلى الصفحة اذهب الى الأسفل
طـيـحـنـي .!!
ملحوس نشيط جدا
ملحوس نشيط جدا
avatar

عدد المساهمات : 36
تاريخ التسجيل : 09/05/2009
الموقع : بمسبح الاستراحه

مُساهمةموضوع: رد: بــغـــت تجــلدني حرمه اليوم ..   الثلاثاء يونيو 16, 2009 11:59 pm

قبل كل شي ..
تصدقون حبيت حركة البط ..
كل ماجيت ابي ارد عليكم .. اقعد اتقمنص :7: بالبط وانسى المنتدى :4: ..
ماتشوفون ماشاركاتي قليله :7:

ابشركم صدت البط كل أبوهن :8: >>> يعطيني العافيه سمله



ياحليلها البطه الصفرا :1: .. تشبه اللي يحطونهن لعيال النعمه بالبانيو
يغرونهم :6: عشان يتسبحون 77 ..
حنا يحطون لنا طشت :10: وبه ضب :10: عشان نتروش :3:





//


النعامه :1: الشيــعي .. :1: سكروب مطعوج :1: المنشار :1: مبيد حشرات :1:

وهــ احرجتوووني والله امممم .. ياهيك الخويان ولا بلا :3: ..
اجل تقولون لي عداني العيب والبلا من راس هالعجيز :5: ياسلام عليكم ياصديقيني .. :4:


خنقتني العبره لحظه ابي امسح دموعي :4:


مس تفاحه ماني قايلك شكرا :2: .. اجل انا استاهل :5: ..
هين بكرى تبين تراجعين عندنا بالمستشفى .. والله لا احولك على عيادة المسالك البوليه :15:


ابشركم العجوز ماشفتها شكلها فطست :3:





الرجوع الى أعلى الصفحة اذهب الى الأسفل
دحروجه المرجووجه

avatar

عدد المساهمات : 23
تاريخ التسجيل : 11/06/2009

مُساهمةموضوع: رد: بــغـــت تجــلدني حرمه اليوم ..   الأربعاء يونيو 17, 2009 12:28 am

الشرهه على بنتها بس وش تقول اذا الناس هيكـ

انا لواعرف المستشفى كان جيت فزعت وريتهم شغل الله :7:

بس الحمدالله عدت وطلعت بخير

ماعاش من يجلدكـ :4:

عجبتني المسالكـ البوليه :7:

الحمدالله ع سلامتكـ خيو :11:
الرجوع الى أعلى الصفحة اذهب الى الأسفل
طـيـحـنـي .!!
ملحوس نشيط جدا
ملحوس نشيط جدا
avatar

عدد المساهمات : 36
تاريخ التسجيل : 09/05/2009
الموقع : بمسبح الاستراحه

مُساهمةموضوع: رد: بــغـــت تجــلدني حرمه اليوم ..   الأربعاء يونيو 17, 2009 12:51 am

v
v
v
v

كفو كفو .. ++ والله انك اثلجتي شعيرات صدري :10: بردك هذا ..
يابنت الحلال المستشفى بكبره ماعليه شرهه ..
اجل كل يوم والثاني يطب علينا مجنون :10: :7:
ويتطارحون معاه الامن بالاسياب :7:

يالله ان ترفع عنهم ولا تبلانا >> رافعه يدينها العجيز سمله




علــى فكره يا ملاحيس .. وبما انكم كلكم طلعتو تحبوني
تدرون انا من وين اراسلكم الحين ..
من بيت النعامه :9: ..
النت مفصول عندي عليه فاتوره الف وثمان ميه ..

المشكله مو بس بالنت المشكله كاس القارات كيف اشوفه >> مشترك بدريم بوكس ..


ادري انكم ماستغنون عني وكلكم تحبوني :1: ..
يالله ارخو ريلاتكم جمعو لي ريالات الفسحه وسددو فاتورتي :3:


:4: هاه وش قلتم .. امممم
الرجوع الى أعلى الصفحة اذهب الى الأسفل
 
بــغـــت تجــلدني حرمه اليوم ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اسـتـراحـة المـلاحيس :: ـآلمنتـديآت ـآلعـآمـهـ .. :: مرآفئ الملاحيس (مفتوح للزوار)-
انتقل الى: