اسـتـراحـة المـلاحيس

مـنـتـدى ـآستـراحـة المـلاحـيس
 
الرئيسيةاليوميةس .و .جبحـثالتسجيلدخول

شاطر | 
 

 أيــــام الـــطـــفولــــة

اذهب الى الأسفل 
كاتب الموضوعرسالة
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: أيــــام الـــطـــفولــــة   الإثنين يونيو 08, 2009 8:23 pm

كيفكم يالملاحيس عساكم بأحسن الأحوال

اليوم فكرت وفكرت وفكرت وجــبت لـكـــم موضـــــــــوع فـــريــــــــــد مـــن نوعه :13:
واتمنى ان ينال اعجابكم وان يأخذ اعلى نتيجة تصويت << أي هين
المهم الموضوع الا وهو أيـــــــــــــــــام الطــــفولــه
راح اقولكم قصه عن ايام اول
ومع الاشخاص اللي عشت معهم طفولتي يالها من ايام رائعه وجميلة
وعلى قولت الشاعر ..
:2: ياليت ان الزمن يرجع ورى ولا الليالي تدور
ويرجع وقتنا الأول وننعم في بساطتنا

زمان اول احس انه زمانًًًًٍٍ فيه صدق شعور
نحب ونخلص النيه.. وتجمعنا محبتنا

زمن ما فيه لا غيبه.. ولا حتى نفاق وزور
ياليته بس لو يرجع ونسترجع طفولتنا

صغار قلوبنا بيضا..نعيش بعالمٍ محصور
ولا نعرف ابد اغراب ما غير عيال حارتنا
المهم يوم كنت ورع كنت اخاف من ريش الحمامه تخيلوا المنشـــآر يخاف من ريش الحمامه وكان سفن اب الملعون
عنده حمام والبطي كل ماشافني جاب حمامه وحطها بظهري يالروعه :10:
كان تفكيري اول ان الحمامه تاكل الادمي <--- كان ورع وش ترجون منه
لكن بعد ماتشجعت وتدربت وصرت بطل قمت امسك ريش الحمامه من آخر طرفها عشان الريش ماياكلني<--يلعن ام التفكير الطفولي ياشيخ :12:

ودارت الايام على سفن اب ومات نص حمامه والنص الثاني انسرق لكن النص اللي انسرق سفن يعرف اللي سرقه ويروح يشتري حمامه من الشخص اللي سارقه
وثاني يوم يجي هذا الشخص ويسرق الحمام ويروح سفن ويشتري الحمام << والاخ يسرق وسفن يشتري نفس الحمام
واخر شي طفش سفن وماراح يشتري الحمام وذاك اليوم ماقام ياكل سفن ماغير يصيح << يحاول ينسى الحمام لكن مايقدر
يوم شافه جدي انه نحفان ويصيح وماياكل عطاه فلوس وقال اشتر سيكل <-- عاد تصدقون ان مرتبة السيكل مثلثة تشبه وجهه
واشترى سفن سيكل وكان مستانس ومبسوط وماغير يشتري شطرطونات ويلزق عليه عاد شوفوا الالوان كيف الولد ذويق يشتري
شطرطون لونه ازرق وواحد ابيض <-- اكتشفت ان سفن هلالي من ايام الطفوله
ماعلينا المهم تطور الموضوع بالسيكلوقام يسرق من المطبخ ليفة صحون الاسفنج ويحطها على كفرات السيكل على باله جنوط <-- مسوي كاشخ
يوم شافوه عيال الحاره مضبط سيكله قاموا يجيبون سياكلهم وسفن يضبط <-- فاتح غرابي سياكل ابو الشباب
المهم سفن عاش حياة طفولية سعيده بالسيكل ونسى الحمام ==


عدل سابقا من قبل المنشآر في الإثنين يونيو 08, 2009 8:54 pm عدل 1 مرات
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   الإثنين يونيو 08, 2009 8:40 pm

نروح للبطي كان عربجي للنعله <- شرايكم بالتعبير بس
وماغير يسطرنا يالورعان يعني شوفوني انا رجال اضربكم <-- كنت حاقد عليه بس اغليه :10:
واحيانا اناديه بأسمه مايرد علي قولوا ليش ؟
يبيني اقوله عاد انا ملعون اناديه بأسمه مايرد اقوله خالي يرد <-- ذاك اليوم يمكن اربع ساعات وانا اقوله خالي وهو يقول هاه <- استانس عليها
وكان حريف تيل (مصاقيل)لدرجه ان عنده علبتين نيدو الكبير مليانات تخيلوا انه يلعب هو والصبابه القطه 500 نسيت ترى حتى الصبابه
كان وحش وانا كنت شريكه لكن حنا على قدنا عندنا علبتين شوربة شوفان وحده فل والثانيه نص لكني زلابه لعبي على قدي
واذا خربتها العب القطه 10 <- طبعا متهور ++
ومن دلاختنا اذا كسب الواحد الـ 500 مايروح يجمعهن يروح يركض للي برى الدائرة يخاف احد يسرقها واذا اخذها
يرجع للي كسبهن ويعدهن يطلعن 80 وهن اصلن عددهن 1000 <-- شفتوا كيف كنا ورعان
كان اللي دايم يصفرني بالتيل النـــعـــامه
يلعن شكله عليه روز مدري منين جايبه لدرجة انه يحدد التيله اللي يبي يصكها <-- قوية شوي
(خاصتن اذا قال حموري ضد الكسر دايم دوم) <- وخروا عنه :13:

ومره من المرات كانت الدنيا تمطر والارض وحل واخترعنا لعبة مره حلوة اللي هي تجمع طين وتسويه على شكل كور صغيره
ونقوم نضرب بعض <-- اتوقع كنا صعايده وقتها scratch
يعني نروح للبيت الواحد مايعرف الثاني من كثر الطين اللي على وجهه
المهم نتروش وننام تخيلوا ننام المغرب <-- الله يالدنيا ورعان اللحين لوجه الصبح ماينامون
ونصحى الفجر على زقزقة العصافير ونقوم ونغسل ونفطر ومن ثما نأخذ اسلحتنا الا وهي النبيطات ونروح نقنص عصافير وقماري
داخل الشركه المحروووووقه واذا اشرقت الشمس نأخذ قسطآ من الراحه لكي نغير وجهتنا بالصيد
وبعد الراحه نتجه الى مزرعة اليماني .
نبذه عن اليماني...انه شخص كبير فالسن اسمه صالح اليماني عمره 94 عاما نشيط لاابعد الحدود
صفته . يدير امور المزرعه ويسقي نخيلها وثمارها
عندما نأتي لهذا الشخص نقوم بترك النبيطات يعني نترك الصيد ونتوجه لقطف العبري والليمون لدرجة ان الشجر يقول العن والديكم خلصتوني
حتى اذا الظهر وبعد ذلك نذهب للبيت لكي نسترخي ونستريح من القنص. ق2
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   الإثنين يونيو 08, 2009 8:46 pm

وبعد صلاة العصر نتجة الى ملعبنا وهنا تأتي الاحداث الرومانسية :1:
في هذا الملعب يوجد فتاتان يعشقن الاخوان الا وهم النعامه والصبابه
وتعالوا شوفوا الابداع عند الصبابه اذا شاف حبيبته تخيلوا ينط بالباب والكورة مهي حوله <- كان حارس بطل ومن الحب ماقتل يالصبابه
اما النعامه اذا شاف حبيبته يشوت الكورة بكل قوه حتى يوصلها عند بيت حبيبته ويروح سبرنت (يركض) يجيبها <- يتميلح هيه
ياعيني على الحب والوفاء ادري اني فتحت جروحكم يالاخوين <- سامحوني :3:

اما الشيعي فكان يسكن بالاحساء وكان يجينا اوقات الاجازات ودايم كل ماجاء اتضارب انا وياه <-- دايم اسطره هههههههههههه :14:
ومره من المرات ماضربته لانه جاء من الاحساء ومعه سيكل <- كان كنق اللي معه سيكل 3214
لان سفن اذا خلص لعب العصر من سيكله يبنشره عشان مانلعب واذا صحى الصبح يروح كعابي للمحطه عشان ينفخ كفرات السيكل <-خبل الادمي هذا
المهم الشيعي صار خويي يعطيني دورات على السيكل مقابل اني مااصفقه <- ههههههههه يامهجده يالمنشار
طبعا قبل لايسافر الشيعي للشرقيه اصالحه اذا كنا متهاوشين <- تخبرون بزران وتشتاق لبعض
ومره من المرات انا اللي رحت للشيعي للحساء ويوم وصلحنا جلسنا يمكن 4 ساعات
وبعدها تضاربنا بس هالمره هو اللي سطرني <-- زيكم عارفين بأرضه وبين جمهورة :5:
ومااخذنا ساعه الا تصالحنا وقررنا اننا نروح للبقاله اللي جنب البيت
وحنا رايحين جونا قطاعين طرق اللي هم اعداء الشيعي ودايم يصفقونه يوم شافهم الشيعي قال خلنا ننحاش
قلت وشووووووو انا المنشـــــــآر انحاش <-- يابطل انت هع هع ضحك
قلت خلك رجال واوقف المهم وقفنا قالوا للشيعي وين نعولنا <- طلع سارق نعولهم الملعون
عاد قلت انا اقووول سقها انت وياه قالوا لاتنفخ <- عاد انا عصبت بعد هالكلمة
وتعالوا شوفوا التبزيخ والتسطير اللي قمنا فيه انا والشيعي تجاههم وقاموا يصيحون وراحوا
عاد قالي الشيعي الله يلعنك ليش سويت كذا قلت يستاهلون قال ياخي اذا انت رحت للرياض يجمعون شله ويضربوني
قلت خلك بطل زيي لاتخاف منهم قال ابشر ورجعت للرياض وانتهت قصتي مع الشيعي بالاحساء

ولكن دارت الايام والبطي صارت عنده كابرس زيتي ومايعطي احد وجه وكان دايم يغسلها
لكن للاسف بنفس اليوم تتوصخ تدرون ليش لان جدي يجيب عليها علف للغنم :16: والبطي كان مطيع لاابوه لدرجه ان البطي
هو يكون مسؤؤل عن الغنم اذا جدي مهوب فيه
كان ونعم الراعي <- طلع الفضايح ههههههههه
اما سفن اب صارت عنده كراون من عهد الجاهليه وكان طاره الولد ماغير يلبس طاقيه تقول طاقيه طباخ <- هذي اللي تجي مترين فوق الراس
ويروح يجاكر على خريص واذا راح ورجع ينصب علينا ويقول طلعت على مكسيما اخر مديل <- دور غيرها ياسفن
الله يالدنيا من بعد السيكل كراون <- شكله بدت تظهر عليه معالم الرجوله :3:
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   الإثنين يونيو 08, 2009 8:51 pm

لكن مع الايام تطور وصارت عنده مكسيما ماغير يلزق عليها تظليل نيكل الى درجة حتى انوارها تظليل نيكل
وكان المسجل فيه شريط واحد واتوقع اغنيه وحده الا وهي
مآبي .. مآبي .. مآبي خيره وشررره .. مآبي هالحب مره الــخ 3214
اما الصبابه والنعامه ماكانوا يفكرون بالسيارات بل يفكرون بالحبيبات الله يكون بعونهم :1: :11:
ومع مرور الايام باع البطي الكابرس بمبلغ وقدرة 900 ريال واشتري جوال الزعيم بهذا المبلغ scratch
ومن ثم باع سفن المكسيما بمبلغ وقدرة 5000 ريال وقعد يتاجر فيهن بالاسهم حتى جمع مبلغ يكفيه لكي يشتري سياره جديده :12:
اما انا فااصبحت مهم بالدوله :2:
وصار عندي كامري زونن <- ابو حنيس ههههههههه سمله
والشيعي يدرس بفلوس بمعهد نيوهورايزر <- الولد كاش :3:
اما الصبابه والنعامه لازالوا يعانون من الحب
وهذي نبذه مختصره عن بعض الاشخاص الذين عشت معهم طفولتي :8:

والى اللقاء في موضوع اخر

واتمنى ان تنال االقصه على عجابكم ايها الملاحيس
ولاتنسون التصويت ترى صارلي يومين وانا اعصر مخي عشان اطلع بعض الاحداث





تحياتي .. المنشار :15:
الرجوع الى أعلى الصفحة اذهب الى الأسفل
الصبابه
ملحوس نشيط جدا
ملحوس نشيط جدا
avatar

عدد المساهمات : 30
تاريخ التسجيل : 09/05/2009

مُساهمةموضوع: رد: أيــــام الـــطـــفولــــة   الثلاثاء يونيو 09, 2009 9:59 am

مشكوووووووووووووووووووووووووووووووووووووووووووووووووور

ابس انا مدري اصوتلك ولا احقد عليك لانك ذكرتني في اشاء حلوه :5:


موضوع مره حلو واخر شي الصبابه لحين عاطل هو النعامه بسبب الحب


انا اصف صوتي لك يا بطل
الرجوع الى أعلى الصفحة اذهب الى الأسفل
مبيد الحشرات
ملحوس فريد من نوعه
ملحوس فريد من نوعه
avatar

عدد المساهمات : 66
تاريخ التسجيل : 09/05/2009
الموقع : بغرفه بابــــو تهى تهى

مُساهمةموضوع: رد: أيــــام الـــطـــفولــــة   الثلاثاء يونيو 09, 2009 2:02 pm

هههههههههههههههههههههههههههههههههههههههههههههههه

طفوله ولا اروع المنشار والصبابه والبطي وسفن اب


كنت اتمنى اني من حارتكم قبل بس كنت حفرواي :4: :3: >>>يوم طفولتي ماغير لابس كذا مسوي علوم رجال وانا ماعندي ماعند جدتي خليفه >>>يويلي علمت باسسمهاا امممم


الصراحه موضوع كبير واتوقع ياااخذ الصدى الجميل من النقاد >>النقاد طبعاا البطي وابو ركبه وعدنان الجبوري


تقبل ارق تحياتي المعطره بالكاتشاب .. :10:
الرجوع الى أعلى الصفحة اذهب الى الأسفل
ابوجوهر
الادارة الــعـــامـــة
الادارة الــعـــامـــة
avatar

عدد المساهمات : 64
تاريخ التسجيل : 11/05/2009
الموقع : حيث لايوجد الا موية البير(الاستراحة)

مُساهمةموضوع: رد: أيــــام الـــطـــفولــــة   الثلاثاء يونيو 09, 2009 10:31 pm

صح يابطل موضوع مرره حلو ونادر تلقى مثله هالايام

عموما الخميس موعدنا

ومثل ماقلت اللي مايقدر يصوت بالاستراحه يقدر يرد على الموضوع اللي اعجبه ويصوت له
الرجوع الى أعلى الصفحة اذهب الى الأسفل
النعامه
ملحوس فريد من نوعه
ملحوس فريد من نوعه
avatar

عدد المساهمات : 100
تاريخ التسجيل : 08/05/2009
العمر : 33
الموقع : هناك

مُساهمةموضوع: رد: أيــــام الـــطـــفولــــة   الأربعاء يونيو 10, 2009 1:59 am

خخخخخخخخخخخخ موضوع بطل وكبير ياكبير


ويالها من ايام حلوه ومغامرات جميله



ولا تفتح المواجع بذكر الحبايب آآآهـ بس :9: << حزنت :5:





واتمنى لك التوفيق ياابضاي :1:
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   الأربعاء يونيو 10, 2009 5:30 pm

الصبابه كتب:
مشكوووووووووووووووووووووووووووووووووووووووووووووووووور

ابس انا مدري اصوتلك ولا احقد عليك لانك ذكرتني في اشاء حلوه :5:


موضوع مره حلو واخر شي الصبابه لحين عاطل هو النعامه بسبب الحب


انا اصف صوتي لك يا بطل



يابعد قلبي يالصبابه انا لو ادري اني موضوعي يضايقك كان شلت شخصيتك من المشهد
هههههههههههههههههه


ومشكور على الصوت الحلو يابعد راسي انت
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   الأربعاء يونيو 10, 2009 5:47 pm

مبيد الحشرات كتب:
هههههههههههههههههههههههههههههههههههههههههههههههه

طفوله ولا اروع المنشار والصبابه والبطي وسفن اب


كنت اتمنى اني من حارتكم قبل بس كنت حفرواي :4: :3: >>>يوم طفولتي ماغير لابس كذا مسوي علوم رجال وانا ماعندي ماعند جدتي خليفه >>>يويلي علمت باسسمهاا امممم


الصراحه موضوع كبير واتوقع ياااخذ الصدى الجميل من النقاد >>النقاد طبعاا البطي وابو ركبه وعدنان الجبوري


تقبل ارق تحياتي المعطره بالكاتشاب .. :10:





تحياتي لمن شقر على موضوعي

واحمد ربك انك منت من حارتنا اول لاننا كل ماشفنا واحد من حارتنا سطرناه

يعني تخيل انك من حارتنا ودايم نسطرك وش شعورك باللحظه هذي

عاد البطي اول كان يلبس خاتم يسرقه من تموينات الزاويه وماعنده الا بكس بالخشم

يعني قم صل ركعتين لوجه الله انك كنت حفراوي ولاجربت بكس البطي الاليم
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   الأربعاء يونيو 10, 2009 5:55 pm

ابوجوهر كتب:
صح يابطل موضوع مرره حلو ونادر تلقى مثله هالايام

عموما الخميس موعدنا

ومثل ماقلت اللي مايقدر يصوت بالاستراحه يقدر يرد على الموضوع اللي اعجبه ويصوت له





تحياتي يابو جوهر


على فكره ردك ماله رد

وانت وش بلاك كل مارديت على موضوع قلت الموعد الخميس ياخي فهمنا هههههههههههههههه
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   الأربعاء يونيو 10, 2009 6:04 pm

النعامه كتب:
خخخخخخخخخخخخ موضوع بطل وكبير ياكبير


ويالها من ايام حلوه ومغامرات جميله



ولا تفتح المواجع بذكر الحبايب آآآهـ بس :9: << حزنت :5:





واتمنى لك التوفيق ياابضاي :1:




شكرا يالنعامه ياابضاي انت

هيك الرجال يابلا

وبعدين انا المنشاااار شكلين مابحكي


عشان كذا اي واحد يلف ويدور الوعد بيني وبينه موضوع
ضحك
الرجوع الى أعلى الصفحة اذهب الى الأسفل
الشيعي
ملحوس نشيط جدا
ملحوس نشيط جدا
avatar

عدد المساهمات : 35
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   الخميس يونيو 11, 2009 1:15 am

ههههههههههههههههههه

موضوع متعوب عليه واقدر لك هذا العناء الكبير
لاكن ودي اصرح بأشياء يعني انا لما اجي الرياض صراحه ماحد يصطرني الا البطي ولا كلكم تخافون مني هذي الصراحه ولما تجيني الاحساء اوديك للبقاله بس الصراحه تسطرنا وانسرقت تيلنا (مصاقيلنا)
تذكر
وبعدين معهد النيوهورايزن مو مدري وش كاتب

موضوع خطير ويخوف المنافسين صراحه
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: أيــــام الـــطـــفولــــة   السبت يونيو 13, 2009 10:27 pm

يعني يالشيعي مسوي بطل انت وراسك مايسطرك الا البطي


ههههههههههههههههه

يالتسذوب شف من كثر مااسطرك

طابت نفسي من تسطيرك وقمت اسدحك واثبت يدينك لانك تكسر الخاطر وانت تصيح
الرجوع الى أعلى الصفحة اذهب الى الأسفل
 
أيــــام الـــطـــفولــــة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اسـتـراحـة المـلاحيس :: ـآلآقسـآآمــ التـرفيهـيـه.. :: أكـآديميـة المـلآحـــيس-
انتقل الى: