اسـتـراحـة المـلاحيس

مـنـتـدى ـآستـراحـة المـلاحـيس
 
الرئيسيةاليوميةس .و .جبحـثالتسجيلدخول

شاطر | 
 

 النعامه وايام الصغر

اذهب الى الأسفل 
كاتب الموضوعرسالة
النعامه
ملحوس فريد من نوعه
ملحوس فريد من نوعه
avatar

عدد المساهمات : 100
تاريخ التسجيل : 08/05/2009
العمر : 32
الموقع : هناك

مُساهمةموضوع: النعامه وايام الصغر   الأربعاء يونيو 10, 2009 3:07 am

بسم الله الرحمن الرحيم


سيداتي وسادتي اخواني وخواتي عيالي وعيالاتي


وابي اكتب لكم نبذه عن حياتي الطفوليه وابرز ماحصل لي في تلك الايام قبل لا اعرفكم ومقتطفات من حياتي << امحق حياه


المهم قبل يوم اني كنت صغير كنت ورع جاهل لا اعلم شي ولا افقه شي << لحد الحين انت كذالك


اول كنت بالحفر ورع من ورعان الحفر سراويلهم صفر ومشققه مع الركب والثوب انواع الرقع ثوب ابيض بس صاير اصفر شوي من النظافه طبعا ومرقع بقطع حمرا امي كانت تحب الالوان قبل تحب تشكل


ومابي اشطح شطحات وامسك خط بقول اطرف موقف صار لي وياله من موقف محرج صراحه



كنت راجع للرياض مع ابوي وعمي وجدتي ومدري من بعد وطول الطريق انا ماغير العب واسولف مسوي قلق بالسياره << قبل كنت شرس بس الحين صرت عاقل ياحليلي بس سمله


وبعد ماقطعنا حوالي مدري كم وش المهم صار لنا ثلاث ساعات نمشي على ماضن ويعم علي السكوت المفاجئ كنت جالس على التكايه << تذكرت محمد الحربي خخخ


فجأه سكت ولا لي حس ولا شي وعمي لاحظ علي السكوت المفاجي وصار يسألني تبي كيك وانا اهز راسي بدون صوت يعني لا


ويقول عمي طيب تبي عصير وانا اهز راسي مابي شي


طيب تبي بطاطس وانا منزل راسي وماغير اهز راسي واقول مابي


طيب تبي مويه ياورع ومازلت اهز راسي بدون صوت ووجهي حمررر


عمي تحير مايدري وش فيني ووش اللي خلاني اسكت كذا استغرب علي


وبعد لحظات ناظر لي وابتسم عرف وش ابي وانا كذالك حسيت انه عرف والفرحه تعم ارجاء جسمي الصغير وقال لي بصوت خافت تبي انت حصران تبي تطير الشراب انا بحيا وبدون صوت هزيت راسي بالموافقه يعني ايه ابي ابي واحس هم انفرج عني ويافرحتي ذاك الوقت يوم عرف وش ابي


ويقول عمي لابوي اصفط اصفط والله وانا انزل طاااير ويازين الراحه بس حسيت اني تنفست الصعدا ويافرحتي فرحه وياهي وناسه هيه



وفي رواية اخرى من مسيرتي في الحياه كنت كذالك جاي من الحفر مع مدري من والله ماذكر طبعا امي واهلي كلهم هناك ماحد جاء غيري مسوي مشتاق لعمامي مالت عليهم


وانا ماغير العب بالمرتبه اللي ورى واحط رجولي تحت مرتبت السواق وهي تطيح نعلي من رجلي > تكرمون

وادورها ادورها مالقيتها قسم انجنيت مدري وين اختفت وادور وعفست السياره ولا لقيتها ويوم وصلنا لعمامي وانا انزل واقوم ابتسي ولي صياح :9:


وكلهم يقولون ليش جبتوه وخليتوه يروح عن امه هذا هو قام يبتسي وش نسوي فيه

هم يحسبوني ابتسي عشاني ابي امي مايدرون اني ابتسي عشان النعل اللي ضاعت بالسياره << قسم حقيق اني ابتسي عشان نعلي ضاعت ولي صياح وقتها :9:

ولين ذا اليوم ماحصلتها :5:



وبعد كم يوم البطي شافني حفراوي ماعرف شي بكراتيني يمزمز علي التسلب من يوم يومه وهو يتتريق علينا ليومكم هذا ولا ترك العاده المهم كان يسألني هذا وشو طبعا كان يأشر على شعري وانا اقول هذا عش :9:


ويضحك ويقول وشو اقول عش عش :9: وصحيح بكراتيني الشعر اقول له عش يالك من احمق يا انا :5:



وبس احس اني طولت مرره وهذي كانت من مقتطفات حياتي اللي راحت وماحرفت فيها خخخخخخ


اتمنى اني وفقت في الطرح


لكم تحياتي :1:
الرجوع الى أعلى الصفحة اذهب الى الأسفل
دجاجه صقعا

avatar

عدد المساهمات : 12
تاريخ التسجيل : 03/06/2009

مُساهمةموضوع: رد: النعامه وايام الصغر   الأربعاء يونيو 10, 2009 10:06 am

هههههههه عليك مواقف شي :7:

موقفك الاول ذكرني بموقف صار على أحد الملاحيس هنا << ما تقصد سفن أب ضحك

وليتني كنت معك يوم رحت لعمامك وتضيع نعولك كانت علوم ,,, :3:

بس ولا تزعل ولا تكدر خاطرك أن شاء الله تفوز بالمسابقه وتكون جايزتك نعول وتنحل مشكلتك سمله
الرجوع الى أعلى الصفحة اذهب الى الأسفل
المنشآر
بــطــل الاكــاديــمــيــة
بــطــل الاكــاديــمــيــة
avatar

عدد المساهمات : 174
تاريخ التسجيل : 11/05/2009

مُساهمةموضوع: رد: النعامه وايام الصغر   الأربعاء يونيو 10, 2009 5:16 pm

هههههههههههههههههههههههه


الله يرجك انا مافطست الا يومنك تهز راسك ماتبي لاعصير ولا بسكوت ولا بطاطس << انا قلت هذا مو صاحي من يرفض عصير وبطاطس



اخر شي طلع الامر عظيم لاحول الله يالنعامه << قاعد يتخيل لونك مسويها بحظن عمك وش يسوي فيك

ههههههههههههههههههههههه سمله
الرجوع الى أعلى الصفحة اذهب الى الأسفل
سكروب مطعوج
ملحوس نشيط جدا
ملحوس نشيط جدا
avatar

عدد المساهمات : 42
تاريخ التسجيل : 09/05/2009
العمر : 31

مُساهمةموضوع: رد: النعامه وايام الصغر   الجمعة يونيو 12, 2009 12:46 am

وبعد لحظات ناظر لي وابتسم عرف وش ابي وانا كذالك حسيت انه عرف والفرحه تعم ارجاء جسمي الصغير وقال لي بصوت خافت تبي انت حصران تبي تطير الشراب انا بحيا وبدون صوت هزيت راسي بالموافقه يعني ايه ابي ابي واحس هم انفرج عني ويافرحتي ذاك الوقت يوم عرف وش ابي


ويقول عمي لابوي اصفط اصفط والله وانا انزل طاااير ويازين الراحه بس حسيت اني تنفست الصعدا ويافرحتي فرحه وياهي وناسه هيه

___________________________________________________________________________________________________________
[size=18]ههههههههههههههههههههههههههههههههههههههههههههههههههههه ضحك والله المقطع هذا قطعني من الضحك

يااحوبي لك حفراوي وتستحي و خجووول ,


وبعدين فعلن مثل ما قالت الصقعاااا موقفك مشابه لموقف واحد من الربع .[/size]
الرجوع الى أعلى الصفحة اذهب الى الأسفل
الصبابه
ملحوس نشيط جدا
ملحوس نشيط جدا
avatar

عدد المساهمات : 30
تاريخ التسجيل : 09/05/2009

مُساهمةموضوع: رد: النعامه وايام الصغر   الجمعة يونيو 12, 2009 11:47 pm

هههههههههههههه لا تكذب عليهم ترا انا اخوك وعارف كل شي عنك

بعدين انت لحين ورع يعني مسوي رجال الحين
انت لحين تنام في نعولك
الرجوع الى أعلى الصفحة اذهب الى الأسفل
 
النعامه وايام الصغر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اسـتـراحـة المـلاحيس :: ـآلآقسـآآمــ التـرفيهـيـه.. :: أكـآديميـة المـلآحـــيس-
انتقل الى: